بسم الله الرحمان الرحيم
هذه ققصيده في محبوبتي (أشيقر).
دمتـي أشيقـر دار كــل المحبـيـن
ملفـا الكـرم والعـلـم والطّيبيـنـي
بـدر الوشـم، دار الملازيـم، ظفريـن
فكّاكـة العـانـي كــرام اليديـنـي
جنوب عن (خشم الرّعن)غرب (رمحين)
بيـن النفـود وبيـن روض البطينـي
أرضٍ حوت من حاضر الوقـت تفنيـن
وتاريـخ مجـد مسطّـرٍ مـن سنينـي
يوم السّواني تطـرب القلـب والعيـن
ويـوم الفلايـح مهنـة الساكنيـنـي
حياتهـم فـي بعولهـم والحياطـيـن
كـدّ وتعـب والـرزق ربّـي يعيـنـي
واليـوم أهلهـا للمواجيـب عجلـيـن
يـا حبـهـم للخـيـر والخيّريـنـي
تكاتفـوا واحيـوا تـراثٍ مـن سنيـن
كنـك تعيـش بعصرهـم يـا فطينـي
ودار التّراث اللي مـن اللِّبـن والطِّيـن
فـي مجلـس الدِّيـرة تزيـدك حنينـي
تربطك بالماضـي وعصـر القديميـن
عصـر الجـدود مبيِّضيـن الجبيـنـي
ذايـع خبرهـا عنـد قاصـي ودانيـن
مذكـورة فـي نـجـد والساحليـنـي
تشوف (ابن عامـر) يرحِّـب بغاليـن
مـع دلِّـة فـي مجلـس الغانميـنـي
وتشوف ماض أجدادنـا كنِّـه الحيـن
من عقب ما هو ضايـعٍ مـن سنينـي
(مخرف) مع(محشٍّ) و(سرْح) و(غربين)
و(كرّ) و(حصير) و(قربة الماء) يمينـي
حاجاتهم مـن صنعهـم حرفـة يديـن
مـا عندهـم مستـورد الصانعيـنـي
هذا تـراث أجدادنـا علـم مـع ديـن
نرجـو لهـم رحمـة قـوي متيـنـي
وصـلاة ربـي عـد مـا قيـل آميـن
علـى النبـي اللـي لفضلـه نديـنـي
الخميس أبريل 03, 2008 5:16 am
