بسم الله الرحمن الرحيم
هذه قصيده في (الوطن الغالي)
عاشت جزيرتنا وعاشت وسودها...وحنا بنادقهـا وحنـا جنودهـا
نجد العزيزه مصدر العز والفخر...مادام حكام الجزيـره سعودهـا
تحيا السعوديه حجاب عن العـدا...تحما رعاياها وتحمـا حدودهـا
شعب السعوديه جنـود مجنـده...من حكم أبو تركي تجدد عهودها
واليوم شعب المملكه يرهب العداو...يجددون العهـد للـي يقودهـا
يعيش أبو متعب وعاشوا رجاله...ولي مشوا فالقيض تارد عدودها
أهل الوفا والخير يوفون بالعهد...تمشي على ماعلموهـا حدودهـا
قواتنا فالجـو والبـر والبحـر...تبرق مدافعها وتسمع رعودهـا
قواتنا هي عزنـا مـع جنودنـا...وحنا سواعدها وحنا عضودهـا
يعيش أبو متعب وعاش أبو خالد...والي بانت العدوان بانت سدودها
حنا تميم نجدد العهـد والولـى...ناقف مع الدوله ونعمي حسودها
على طريق أجدادنا في زمانهـم...وأخبارهم تذكر وهم في لحودها
الله يعـز الديـن ديـن العدالـه...مادام حكـام العدالـه ترودهـا
ومادام صوت الحق في كل جامع...ومادام حكام العدالـه سنودهـا
وهم شجـرة ماتنـزل ورقهـا...لو هبت الأرياح مايبس عودهـا
لا والله إلا بينـت نجمـة اسهيـل...وغابت نجوم القيض والفا البرادي
وهذا الفحل وسط المعاشير والحيل...والباديه شـد وبوسـط البيـادي
ونجم الوسم بين وجتك المخاييـل...وينشا من القبله بروق ورعـادي
ونشوف وديان بها يجري السيـل...والخير عم الرجا الوطن والبلادي
ونبت الربيع يجمل الأرض تجميل...والأرض يكسيهـا ثيـاب جـدادي
وهب النسيم وزان وقت التعاليـل...في صحصح جوه لطيـف وهـادي
مع النشاما والرجـال المشاكيـل...أهل العلـوم الوافيـات الجيـادي
شرابة اللكيف لـو اغلـو الكيـل...والنجر لظفـران صوتـه ينـادي
والدله الصفراء بها خاثـر الهيـل...ويصحي العمسان ريـح القنـادي
ويشبه اخظاب لونهـا بالفناجيـل...واللي امسويهـا صبـي أستـادي
وسوالف ذربـة بزيـن التماثيـل...ومابين حين وحين ننزل بـوادي
ونتبع مجاهيـم وفيهـا مشاميـل...يازينها لاجـت بصـوت المنـادي
في شفها نمشي ركود وتساهيـل...لافيه مـن كـدر مـزاج المنـادي
ياكود صوت الذيب في تالي الليـل...يـردد الأصـوات فـوق المبـادي
وماغير شوف الصيد بين المساييل...صيدٍ من القناص حـاوز وحـادي
وتلقى لهن وسط المفالي مداهيـل...والطيـر معنـا جـاهـز للهدادي
وهذا هو المطلوب من دون تفصيل...ورمـزت للمعنـى هـذا مـرادي
وشكراً
الخميس أبريل 03, 2008 5:28 am
